OCTOBER 19, 2006

Samantala, kaninang alas-5 ng umaga, Oktubre 19, 2006, ay walang pasabing at walang search o arrest warrant na pinasok ng magka-kombina na PNP, Philippine Army at CIDG, nasa 50 katao, ang komunidad ng C. Pascual, Bayugo, Meycauayan. Sa ilalim ng pamumuno ni Col. Villanueva, pinasok, hinalughog, at sinara ang pintuan ng mga kasapi ng kadamay na sina Joselito Serrano, Mercedez Cayanan, Norlito Obenia, Joey Sebastian, at Jeric Cabral. Si Andres Calilim naman ay tinutukan ng baril at gayundin ang lola ni Norlito Obenia na nakaratay na sa sakit. Si Fernando Serrano, Jr. naman ay nilagyan ng posas.

Tanging kay Joselito Serrano lamang may hawak na search warrant ang mga pwersa ng military at pulis. Ang batayan ng warrant ay diumano daw na may 4 siyang armalite, apat na .45 baril at shot gun. Pagkatapos harassin ang mga nasabing kasapi ng KADAMAY sa lugay ay nagbanta pa ang mga PNP, army at CIDG na sila ay babalik sa lugar matapos ang 5 araw.

Ang lahat ng mga nabanggit ay mga aktibong kasapi ng Kadamay-Bayugo at mga aktibo sa kampanya laban sa pagppapatupad ng anti-maralitang proyektong Philippine National Railways Modernization and Rehabilitation Project (PNR-MRP).

Sa walang tigil at kabi-kabilaang panunupil sa karapatan at di-makatarungang pagpaslang sa mga maralitang naninindigan, "Kailangang pagbayarin ang mga salarin sa walang awang pagpapaslang at panunupil sa maralita. Higit sa lahat kailangang pagbayarin mismo ang may pangunahing pakana sa likod ng militarisasyon ng mga komunidad at pangunahing tagapagpatupad ng mga anti-maralitang proyekto ng gubyerno katulad ng proyektong riles, walang iba kundi, ang tsunanong si Gloria Makapal-ang-Mukha Arroyo!" galit na sinabi ni Carmen Deunida, pambansang tagapangulo ng KADAMAY.

Maglulunsad at magtutulak ang Kadamay kasama ng mga lokal na tsapter nito at iba pang mga progresibong organisasyon ng Fact Finding Mission upang alamin at katotohonan at makuha ang hustisya para sa mga naging biktima ng malupit na militarisasyon. #

Reference:
ED LEGSON , Deputy Secretary - General
KADAMAY National
CP No. 0927-7851-742